BIBLIOTECA A3P

Caligramas

2012-01-24T20:26:00.003+01:00

O alumnado de 4ºB de ESO vén de elaborar estes preciosos Caligramas na aula de Lingua Galega.

In memoriam, Isaac Díaz Pardo

2012-01-05T17:25:00.003+01:00

Con loito no corazón despedimos hoxe a Isaac Díaz Pardo, artista e intelectual a quen debemos, entre moitas outras cousas, a recuperación de Sargadelos e o Laboratorio de formas de O Castro, así como o Museo Carlos Maside. Velaquí as súas lembranzas de vida.

Comezamos o ano de Celso Emilio Ferreiro

2012-01-04T18:47:00.004+01:00

Tal día coma hoxe hai un século nacía en Celanova Celso Emilio Ferreiro, neste ano de celebración do centenario do seu nacemento e do cincuenta aniversario da publicación de Longa noite de pedra, queremos iniciar a nosa homenaxe con esta versión de Fuxan os ventos do poema "Irmau"

Bo Nadal

2011-12-22T18:37:00.002+01:00

Desde a Biblioteca A3P desexámosvos un Bo Nadal e un Feliz 2012.

Guía de Nadal 2011

2011-12-22T18:22:00.003+01:00

Un ano máis, as bibliotecas municipais e escolares de Cambre publicamos a nosa Guía conxunta de recomendacións para agasallar e gozar no Nadal. Este ano participamos a Escola Infanil A Galiña Azul, o CEIP O Graxal, o CEIP Emilio González López, o CEIP Wenceslao Fernández Flórez, o IES Afonso X, O Sabio e o IES David Buján xunto coas Bibliotecas Municipais de Cambre. Esperamos que atopedes nesta guía inspiración para as vosas lecturas nestas datas. Felices Festas.

Open publication - Free publishing - More lectura

10 de decembro. Día dos Dereitos Humanos

2011-12-10T13:27:00.001+01:00

63 anos despois da súa proclamación, segue sendo necesario lembrar esta data, 10 de decembro, na que a Asamblea Xeral das Nacións Unidas aprobou a Declaración dos Dereitos Humanos.

Necesario porque nin tan sequera nos países que asinaron esta declaración están garantidos estes dereitos en igualdade de condicións para toda a poboación. Non hai máis que botar unha ollada ao noso arredor, asomarse ás noticias.

Mais aínda así cabe pensar que un outro mundo é posible, que hai arrecendos espallados no ar que nos permiten prender unha candea pola esperanza, por estas xeracións, hoxe nen@s, adolescentes, que medran nas nosas aulas, ao abeiro das nosas Bibliotecas -das súas lecturas, da súa información, da súa formación- nen@s e adolescentes que se implican ilusionad@s e con empeño en proxectos coma "Coñecernos para querernos", nun intercambio persoal e de coñecementos con nen@s dos campamentos saharahuis, para quenes a apertura dunha biblioteca con (o Bubisher) ou sen (O Niño do Bubi) rodas, supón moito máis que un mundo de oportunidades. Para acceder á ilusión, aos soños, á formación, ao coñecemento doutras culturas, doutro idioma.

E con esa candea acesa, brincan faíscas que prenden en case un cento de Bibliotecas Escolares Galegas, que por todo o país escollen cada unha un fermoso álbum ilustrado para agasallar a ese recén estreado Niño do Bubi, porque, coma nas nosas propias Bibliotecas, toda inauguración é unha festa. A esa festa que é a lectura, nesas bibliotecas acubilladas na area, queremos enviar estes álbumes como aves portadoras de boa sorte, como bubishers* cheos de cor, imaxes, historias. Porque as nosas bibliotecas, @s nos@s lectores e lectoras, compartimos co Bubisher, cos lectores e lectoras das súas bibliotecas a crenza firme nos Dereitos Humanos, dende o seu 1º artigo: "Tod@s nascemos libres e iguais en dignidade e dereitos"

* O bubisher (Oenanthe leucopyga e Oenanthe leucura) é un paxariño tímido que vive na Península e tamén en África, aquí chamámoslle collalba negra e no Sáhara o seu nome significa paxaro da boa sorte, no dialecto hassaní é Bubchir بوبشير (o da boa nova) porque adoita aniñar e criar despois das choivas, o que quer dicer que medrará a herba, algo moi importante para quen ten gando.

Bubisher é tamén o nome dun autobús-biblioteca que circula entre os campamentos do Sáhara para levar lectura e información. Ou sexa, unha biblio... pero con rodas!!!

Se queredes unirvos á iniciativa de Álbumes para o Bubisher, só tedes que poñer os vosos datos xunto ao resto das Bibes Galegas.

Música e DDHH

Texto de Maribel Serantes (CEIP Os Casais)

Imaxe atopada aquí

25 de novembro, Día contra a violencia de xénero

2011-11-25T09:59:00.002+01:00

Nesta data sinalada traxicamente, compartimos convosco este vídeo grazas á xenerosidade de Gracia Santorum e Trafegando ronseis.

Día Internacional contra violencia de xénero 2011 from trafegandoronseis on Vimeo.

Programa ARCE

2011-11-08T18:53:00.004+01:00

O alumnado de 3º de ESO que participa no programa ARCE partiu onte do aeroporto de Lavacolla con destino Sevilla para tomar parte no encontro que os centros colaboradores deste programa teñen programado esta semana en Alxeciras. Alí realizarán unha serie de actividades ao redor dos libros e a lectura no marco do proxecto "Navegando entre libros" coordinado desde esta biblioteca. Os centros participantes xunto connosco son o IES Orriols de Valencia e o IES Torre Almirante de Alxeciras que é o anfitrión deste encontro.

Día das Bibliotecas Escolares

2011-10-24T16:53:00.003+02:00

Celebramos o Día das Biblioteca Escolares e o Ano Internacional da Química cunha exposición de fondos da nosa biblioteca relacionados con esta materia. Ademais, podedes ver no vestíbulo e nos corredores diferentes paneis conmemorativos do Ano da Química que se corresponden coa exposición Entre moléculas. Nestes paneis están agochadas as respostas do concurso que podedes consultar na páxina web do centro. Ánimo e a participar!

As bibliotecas galegas despiden a Mª Dolores

2011-09-13T19:07:00.005+02:00

Comezamos o curso con tristeza.

Temos que despedir á compañeira Mª Dolores Martínez Tobío, docente no IES Luis Seoane de Pontevedra e responsable da biblioteca escolar do centro. Hai só uns meses que Mª Dolores nos puxo a Salvar Libros por centros de toda Galicia. Salvar os libros que valen a pena, as linguas nas que se escriben eses libros, as bibliotecas nas que se gardan... a memoria dunha mestra que día a día traballou a favor da cultura e a educación.

Este é un documento colaborativo como tantos outros nos que Mª Dolores adoitaba participar co seu habitual entusiasmo. Desgraciadamente convocounos hoxe a súa despedida e pensamos nesta pequena homenaxe que xorde da mesma rede que ela axudou a tecer. Canto tempo e ilusión dedicados a Biblioiris, a súa bitácora vinculada á biblioteca escolar do instituto! Por iso os nosos blogs lamentan hoxe a súa ausencia. Por iso esta entrada será publicada por moitos outros centros, ademais dos que aquí figuran. Esperamos que este documento saiba representar tamén a tantas persoas que, desde a rede PLAMBE das bibliotecas escolares galegas, desexan expresar o seu pesar e as súas condolencias á familia e amigos da nosa compañeira. Son tantos os centros que a súa relación excede as dimensións deste documento.

Grazas Mª Dolores polas palabras, polas reflexións, polas propostas, polo tempo, polo que fixemos xuntos e que permitirá seguir camiñando pola ruta das bibliotecas escolares.

Cristina Novoa

Pilar Sampedro

Asesoría Bibliotecas Escolares

Imaxe das ligazóns: Rapaza lendo. Gustav Adolf Hennig

A María Dolores, In memoriam

2011-09-10T21:05:00.002+02:00

Hoxe chega a nós a triste nova da túa partida, compañeira de traballos e fatigas, e deixas tras de ti a conversa e a amizade interrumpida. Para ti estes versos de Friederich Hölderlin en versión de José Ángel Valente co noso cariño.

As liñas da vida son distintas
Como o son os camiños e das montañas, lonxe, a confindade.
O que aquí fomos poida un deus completalo
No alén, con harmonía e unha eterna paz.

Lecturas de verán

2011-06-22T17:00:00.001+02:00

Xa están aquí as vacacións de verán e o noso consello de non esquecer neste tempo de lecer as boas lecturas. Esta é a guía que as bibliotecas municipais e escolares de Cambre elaboramos pensando neste tempo de lecer. Desde o ano 2008 todas as bibliotecas vimos colaborando na composición desta guía que non só inclúe libros senón tamén propostas musicais e cinematográficas. Nela participamos as bibliotecas municipais e as bibliotecas dos centros escolares: CEIP Portofaro, CEIP O Graxal, CEIP Torrente Ballester, CEIP Emilio González López, CEIP Wenceslao Fernández Flórez, IES Afonso X, O Sabio e IES David Buján. Esperamos que gocedes destas propostas e feliz verán.

Proxecto Documental Integrado

2011-06-21T19:10:00.000+02:00

Ao longo deste curso estivemos desenvolvendo no centro un PDI sobre os bosques e en concreto sobre a fraga de Cecebre partindo da obra O bosque animado de Wenceslao Fernández Flórez. Neste proxecto de centro participaron todos os cursos e nel estiveron integradas as actividades do Proxecto Interdisciplinar de 1º de ESO e parte das actividades do Programa ARCE. Durante esta semana pódense ver algúns dos traballos realizados no vestíbulo do instituto.

A insoportable levedade das bibliotecas escolares galegas

2011-06-01T08:45:00.001+02:00

Ante a previsible retirada de formadores específicos no ámbito das bibliotecas escolares no Servizo de Formación do Profesorado, no Centro Autonómico de Formación e Innovación e nos centros de formación e recursos dependentes da Dirección Xeral de Educación, Formación Profesional e Innovación Educativa, segundo o borrador da orde que convocará concurso público de méritos para cubrir postos de persoas directoras e asesoras nestes centros queremos manifestar o seguinte:

A insoportable levedade das bibliotecas escolares galegas

Hai proxectos que nacen marcados pola vulnerabilidade e a razón desta circunstancia non ten nada que ver coa falta de rigor ou a pouca entrega das persoas que os poñen en marcha. Máis ben ten que ver co feito de que nacen destinados a nadar contra corrente. Con todo, esa é a principal razón da súa existencia: xorden porque responden a unha necesidade non satisfeita pero compartida por un número crecente de persoas que senten que é posible compartir e facer viable o proxecto xuntos. Así naceu o movemento que cristalizou na iniciativa que todos coñecemos como PLAMBE. De xeito que dende hai algúns anos, esa iniciativa levou o mellor da creatividade e o esforzo de moitos docentes que xenerosamente regalaron o seu tempo e a súa capacidade de formar equipos e ilusionar a outros docentes en centros e centros de toda a nosa comunidade. Xuntos aprendemos a ser rigorosos e esixentes nos nosos proxectos, a crear espazos de aprendizaxe colaborativo, de cambios de estratexia, de achegamento ás novas tecnoloxías, de racionalización na xestión da información. Que ninguén se equivoque: os responsables das bibliotecas escolares non son seres evanescentes perdidos en vanas quimeras que tentan “roubar” horas a materias “importantes” para que o alumnado esmoreza entre mundos de ficción. Nada máis lonxe da realidade. Nun centro onde hai un equipo que xestiona a biblioteca de forma eficaz nótase. Os fondos adquírense con criterio, establécense acordos para xestionar a información, créanse espazos de colaboración e docencia compartida. Non é doado porque a maquinaria educativa ten unhas inercias difíciles de combater. A pesar de todo, estes docentes fórmanse e exercen a súa dura misión en horas non retribuídas, roubadas ás súas familias, ao descanso, ao lecer. Fomos coordinados con rigor e seriedade pola Asesoría de Bibliotecas Escolares pero sempre nos faltou o marco legal axeitado. A nosa misión é dura porque queda moito por definir. Na nosa inxenuidade e boa fe esperabamos conseguir progresivamente tempos e formación para seguir mellorando na nosa función se demostrabamos que eramos rigorosos e eficaces. Os nosos méritos como colectivo son dabondo coñecidos polos nosos gobernantes e acreditados por diferentes administracións e ámbitos a nivel estatal. Os numerosos e constantes premios anuais de boas prácticas concedidos polo Ministerio de Educación y Ciencia non caeron do ceo. Durante todos estes anos a formación recibida foi fundamental para levar a cabo actuacións rigorosas e enfocadas na dirección correcta.

Sabemos das cuantiosas axudas que a Dirección Xeral de Educación, Formación Profesional e Innovación Educativa, destina a outros proxectos, dos incentivos para a elaboración de contidos dixitais por parte das empresas editoriais, entre outras iniciativas. Non sería tamén interesante fomentar a produción de materiais propios e promover desde cada centro a estandarización de procedementos que axuden a xestionar a información entre o noso alumnado sen confiar todo a eses materiais externos que proceden da industria editorial, por valiosos que poidan ser? Por que non seguir aproveitando a experiencia e valía dos equipos das bibliotecas escolares nestes cometidos?. O noso empeño sempre foi crear nos centros pequenos focos que tentan estender esas boas prácticas de innovación e excelencia. Non entendemos este novo e repentino xiro na política de formación desta Dirección Xeral. Non nos parece xusto posto que, podemos dicir honestamente que, pola nosa banda, cumprimos con fartura. Ao desmantelar as estruturas que nos sosteñen o deterioro será proporcional ao entusiasmo e o esforzo investidos: inmenso e imparable. Algúns lembramos como o noso Conselleiro lanzou un bico ao aire ao despedirse dos asistentes aos últimos encontros despois dunhas entusiastas palabras de eloxio polos éxitos logrados polas bibliotecas escolares galegas a nivel estatal. Onde quedou ese entusiamo? Que interpretación debemos facer? O noso país pode permitirse tirar pola borda todo este traballo? E nós?. En que situación quedaremos agora diante das nosas comunidades educativas se despois de tanta insistencia é a propria Consellería a que nos invisibiliza?.

Día das Letras Galegas 2011

2011-05-17T09:37:00.004+02:00

Hoxe celebramos o Día das Letras Galegas que este ano dedicamos ao poeta Lois Pereiro, aquí tedes un dos seus poemas musicado por Radio Océano.

Día da Ciencia na rúa 2011

2011-05-08T14:00:00.004+02:00

Un ano máis o noso alumnado participou no Día da Ciencia na rúa que anualmente organizan os Museos Científicos couruñeses no Parque de Santa Margarida a carón da Casa das Ciencias, velaquí tedes algunhas fotos das experiencias presentadas nesta edición.

Concurso: Coñeces esta muller? Pistas 5

2011-03-21T00:12:00.000+01:00

Velaquí tedes as cinco últimas preguntas do concuso:

1. A que científica un diario de San Diego (California) referíase dicindo "Nai de San Diego gaña premio Nobel"?

2. Resolve a seguinte ecuación de 3º grao como o faría Hedu’Anna:

x³ + 2 x² – 1.200 = 0

3. Que científica é considerada a “raíña da Teoría de Xogos” ?

4. Na actualidade e grazas a utilización destes algoritmos créanse fermosos efectos visuais que son amplamente empregados por la industria cinematográfica para producir, entre outras, paisaxes prodixiosas. De que algoritmos estamos a falar?

5. En 1880 gradúase en Griton College, pero ao ser muller prohíbenlle recibir o seu diploma na cerimonia de graduación. A que muller nos estamos referindo?

Concurso: Coñeces esta muller? Pistas 4

2011-03-18T00:07:00.000+01:00

Estas son as pistas de hoxe:

1. A que muller lle escribe Einstein: “Que feliz son por encontrarte a ti, alguén igual a min en todos os aspectos, tan forte e autónoma coma min”?

2. A compositora finlandesa Kaija Saariaho fixo unha ópera en nove esceas, representada na Ópera de Lyon en 2010 que leva o nome dunha famosa científica. De que muller estamos a falar e como é o nome da ópera?

3. Cal dos seguintes números é “primo de Germain”?
a) 7 b) 11 c) 13 d) 17

4. Con que nome se coñece a guerra á que foi loitar o pai de Carolina Herschel en 1757?

5. Quen é a autora dun libro que fai o primeiro estudio integral da vida de Elena Cornaro Piscopia?

Concurso: Coñeces esta muller? Pistas 3

2011-03-17T00:05:00.000+01:00

Velaquí van as pistas de hoxe:

1. Os seus traballos son de vital importancia para o avance do desenvolvemento da computadora.

2. Viviu en Tesalia (Grecia) no século II a.C. e a súa capacidade científica quedou cuestionada polo feito de ser muller.

3. Que científica, considerada como a primeira programadora que decidiu e preveu a capacidade das computadoras para ir máis aló dos simples cálculos dos números, foi discriminada pola súa condición de muller.

4. A quen e por que o Papa Benedicto XIV lle concedeu unha medalla de ouro e unha cátedra de Matemáticas na Universidade de Bolonia?

5. Foi discípula de Pitágoras e casou con el a pesar da diferenza de idade, de feito nalgúns escritos aparece como filla, a quen nos referimos?

Concurso: Coñeces esta muller? Pistas 2

2011-03-16T00:03:00.000+01:00

Aquí tedes as preguntas do segundo día do concurso:

1. Despois de ler “Disquisicións aritméticas” de Gauss, desenvolveu unha grande paixón pola teoría dos números.

2. Revolucionou a didáctica da xeometría ao opinar que había que ensinar a xeometría manipulando corpos xeométricos en tres dimensións.

3. Foi a primeira muller membro da Academia Nacional das Ciencias de E.E.U.U. e a primeira que presidiu a Sociedade Matemática Americana.

4. Recibiu en 1968 a Medalla Morgan .

5. Iniciouse no estudo das matemáticas grazas ao seu profesor de pintura.

Concurso: Coñeces esta muller? Pistas 1

2011-03-15T00:59:00.000+01:00

Velaquí estás as pistas para localizar as mulleres científicas. Lembra que as solucións están nos carteis da exposición do vestíbulo do instituto. Sorte!!

1. Publicou o primeiro libro en francés que trata o cálculo infinitesimal combinando as teorías de Newton e Leibniz.

2. Na súa tese de doutoramento válese do cálculo de probabilidades para analizar a órbita do electrón.

3. Qué muller científica ten en Vassar (USA) unha vidreira que conmemora o seu doutoramento?

4. Hai máis de 4000 anos, desde Babilonia, desempeñou un importante papel na evolución da Astronomía.

5. Xunto co seu irmán, participou no descubrimento do planeta Urano.

Concurso: Coñeces estas mulleres?

2011-03-11T18:55:00.007+01:00

Un pouco máis tarde do acostumado por mor do Antroido, aquí tedes xa convocada a quinta edición do concurso Coñeces esta muller? Este ano cambiamos un pouco o formato. No vestíbulo do instituto tedes expostos uns cartaces con información sobre mulleres e ciencia. A partir do próximo martes 15 de marzo poderedes recoller as preguntas diarias na biblioteca. A información para responder as preguntas áchase na exposición, así que xa sabedes: visitade a exposición e respondede as preguntas. O concurso durará ata o luns 21 de marzo. De haber empate entre dous ou máis equipos faremos un desempate na biblioteca. Publicaremos as preguntas diariamente neste blog.
Aínda estades a tempo de vos apuntar, animádevos!!

San Valentín

2011-02-13T20:13:00.008+01:00

Como cada ano celebramos San Valentín cun intercambio de cartas de amor, amizade, agradecemento, etc. Xa tedes as caixas de correo no vestíbulo do instituto, mañá distribuirase o correo polas clases. Ademais este ano temos outras propostas, un concurso de acrósticos e outro de películas románticas. Ánimo e a participar. Feliz San Valentin!!

Día da Paz

2011-02-07T18:06:00.002+01:00

A pasada semana conmemoramos o Día da Paz. Na entrada do instituto colocáronse uns paneis para que todos puxéramos o que nos suxería a palabra Paz baixo o lema Digo Paz e digo... Nesta presentación podedes ver o resultado.

Un libro sempre... tamén no Nadal

2010-12-23T19:06:00.005+01:00

As bibliotecas de Cambre queremos desexarvos unhas felices festas de Nadal e Aninovo. Velaquí a guía conxunta que elaboramos con propostas culturais para o lecer. Participamos nesta guía, que elaboramos por terceiro ano consecutivo as bibliotecas municipais e escolares co apoio do concello de Cambre. Os centros escolares que participamos na elaboración desta guía somos: CEIP Wenceslao Fernández Flórez, CEIP Emilio González López, CEIP Torrente Ballester, CEIP O Graxal, CEIP Portofaro, IES Afonso X, O Sabio, e IES David Buján.
Bo Nadal e Aninovo e non vos esquezades: Un libro sempre… tamén no Nadal

Bo Nadal

2010-12-21T18:15:00.002+01:00

O grupo da biblioteca quere desexarvos un Bo Nadal e Aninovo e que o Apalapador vos atope cos bandullos ben cheos e vos deixe moito agasallos, entre eles un ou varios libros.

Encontros con escritores: Fernando Marías

2010-12-02T13:13:00.002+01:00

Hoxe visitou o noso centro o escritor Fernando Marías que veu falar da súa obra Zara y el librero de Bagdag co alumnado de 3º e 4º de ESO. Durante a súa conversa connosco contounos como xurdiu o libro e falounos das persoas reais e os acontecementos históricos que o inspiraron para escribilo.

Bibliotecas Escolares

2010-11-09T20:41:00.004+01:00

As compañeiras do IES Sánchez cantón de Pontevedra mándannos esta montaxe sobre as Bibliotecas escolares e todos os servizos que prestamos. Grazas por partillala con nós.

Bibliotecas escolares on Prezi

Aniversario da Revista Nós

2010-10-31T18:48:00.003+01:00

Onte cumpríronse 90 anos da publicación en Ourense do primeiro número da Revista Nós.Impulsada por Vicente Risco e con Castelao como director artístico, Nós supuxo un fito fundamental na nosa literatura. Nas páxinas de Nós publicaron non só os autores que pertencen ao grupo deste mesmo nome (Castelao, Risco, Otero Pedrayo ou López Cuevillas),senón tamén outros máis novos como Carballo Calero, Bouza Brey, Álvarez Blázquez, Álvaro Cunqueiro ou Eduardo Blanco Amor. A través desta Revista conseguiuse modernizar e europeizar a nosa cultura. Recomendamos a lectura do artigo que Freixanes publica hoxe en La Voz de Galicia.

Mario Vargas Llosa, Premio Nobel de Literatura 2010

2010-10-07T20:00:00.005+02:00

A Academia sueca vén de nomear Premio Nobel de Literatura 2010 ao escritor peruano Mario Vargas Llosa, autor entre outras obras de La ciudad y los perros, La casa verde ou Pantaleón y las visitadoras.

Día Internacional da Tradución

2010-09-29T20:02:00.000+02:00

O 30 de setembro celébrase o Día Internacional da tradución porque é o día de San Xerome quen está considerado o primeiro tradutor pois traduciu a Biblia ao latín no ano 383 e ademais defendeu a tradución no que se considera o primeiro tratado de tradutoloxía.
O certo é que sen os tradutores non poderiamos coñecer as obras que se escriben noutras linguas. Grazas a eles/elas polo seu traballo e vaia esta presentación coma homenaxe no seu día.

Comezamos un novo curso!

2010-09-21T13:39:00.003+02:00

Benvidos ao novo curso! Comezamos a nosa andaina con ilusión e agardando que coma sempre colaboredes connosco nas diferentes actividades que vos propoñemos desde a Biblioteca A3P. Para comezar con ritmo, aquí tedes unha invitación a continuar lendo que nos fan desde unha escola dos Estados Unidos de Norteamérica parafraseando unha popular canción dos Black Eyed Peas. Pois iso, continuemos lendo e gozando da lectura.

Bo verán!! Pechamos por vacacións.

2010-06-25T11:00:00.000+02:00

Un verán máis velaquí a nosa guía conxunta que este ano leva o suxerinte nome de “Lecturas burbullantes para o verán” e que recolle as propostas de lectura de todos os centros escolares e as bibliotecas municipais coa colaboración do concello de Cambre. Nela atoparedes suxestións para todas as idades e un apartado para compartir coa familia e os amigos e amigas. Aparte das xa mencionadas bibliotecas municipais, este ano participamos a Escola infantil, o CEIP Portofaro, o CEIP O Graxal, o CEIP Torrente Ballester, o CEIP Emilio González López, o CEIP Wenceslao Fernández Flórez, o IES Afonso X O Sabio e o IES David Buján.
Esperamos que vos guste, ademais de nos nosos blogs podédela consultar no enderezo: www.cambre.org
Boas vacacións e bo verán, vémonos en setembro.

Homenaxe a Rosalía

2010-06-25T10:00:00.003+02:00

Como conmemoración do 125 aniversario do pasamento de Rosalía o alumnado de 1º de bacharelato recitou uns poemas da autora para poñer o ramo ao curso 2009-2010. Nete vídeo podedes ver unha mostra.

Saramago In Memoriam

2010-06-22T09:02:00.001+02:00

As rulas de Bakunin

2010-04-27T09:23:00.003+02:00

Onte visitounos o escritor Antón Riveiro Coello para falar co alumnado de 2º de bacharelato da súa novela As rulas de Bakunin. O escritor comezou contándonos anécdotas da súa vida para logo explicar a xénese dalgúns dos personaxes da obra e mostrarnos os lugares onde se desenvolve a acción.

A praia dos afogados

2010-04-25T21:44:00.002+02:00

O pasado 12 de abril o alumnado de 1º de bacharelato realizou o roteiro literario da novela de Domingo Villar A praia dos afogados. Viaxamos a Nigrán e alí primeiro tivemos un encontro co escritor, a quen agasallamos coa camiseta da biblioteca, e logo visitamos algúns dos lugares onde transcorre a novela: Monteferro, a praia da Madorra, tamén chamada dos afogados, e o templo do mar. Aquí tedes algunhas das fotos daquela xornada.

Para que les?

2010-04-22T12:40:00.000+02:00

Grazas a Olga da Biblioteca do CEIP de Malpica aquí tedes un resumo da exposición que podedes ver nos corredores do instituto.

Ler está de moda

2010-04-21T21:48:00.001+02:00

Celebración do Día Internacional do Libro Infantil e Xuvenil

2010-04-12T10:44:00.001+02:00

A nosa biblioteca participa na celebración do Día Internacional do Libro Infantil realizando unha serie de actividades de formación de usuarios e promoción da lectura. Aquí tedes o cartel oficial, realizado por Noemi Villamuza, e o manifesto escrito por Eliacer cansino, traducido ao galego por Ánxela Gracián. Aínda que o día propiamente foi o 2 de abril, dado que coincidía coas vacacións de Semana Santa, este ano traladouse a súa celebración nos centros educativos ao día 12 de abril.

6 imaxes á procura dunha historia

2010-04-10T10:15:00.003+02:00

En diferentes lugares do instituto poderedes atopar ata seis imaxes diferentes que vos deberán servir de base para escribirdes unha historia que deberá ter unha extensión máxima de dúas follas A4. Poderédelas entregar escritas a man ou en ordenador, de utilizardes este último lembade que deberán estar escritas en Arial 12p e cun interliñado de 1,5.
A historia poderá estar escrita en calquera das linguas que se estudan no centro.
Deberedes entregar os orixinais na Biblioteca antes do día 30 de abril.
O xurado estará composto por profesorado do grupo da biblioteca e alumnado dos clubs de lectura.

Orgullosos do galego 2

2010-03-17T10:36:00.001+01:00

Orgullosos do galego

2010-03-15T10:35:00.000+01:00

Concurso "Coñeces esta muller?", mércores 10 de marzo

2010-03-09T21:56:00.007+01:00

1. Naceu na Habana, Cuba, no ano 1948.

2. Ingresou no Intermedia Program and Center for New Performing Arts.

3. Atreveuse a expresarse de xeitos non convencionais.

4. Na súa obra incorporou o seu corpo na natureza (land art ou arthworks).

5. Unha das súas series máis coñecidas es Silueta Series (1973)

1. Naceu en Sumeria aproximadamente 2300 anos antes de Cristo. Filla do rei Sargón de Akkad.

2. Controlaba os coñecementos matemático se astronómicos de Sumeria e Babilonia, sendo por iso unha das precursoras destas ciencias.

3. Creou observatorios astronómicos dentro dos templos, elaborando os primeiros mapas sobre movementos celestes

4. A súa poesía está conservada en tablillas gravadas con escritura cuneiforme.

5. Sábese da súa existencia no 1926, grazas á inscrición encontrada ao dorso dun disco de alabastro datado do 1900 antes de Cristo.

1. Naceu en Santiago de Compostela no ano 1853

2. Adicouse á talla en madeira de imaxes relixiosas

3. En 1875 obtén Mención honorífica na Exposición Regional de Santiago de Compostela

4. Foi a primeira artista en recibir unha pensión da Deputación da Coruña no ano 1881

5. Obra súa é a Inmaculada Concepción de San Martiño de Tabeaio (arciprestado de Alvedro, concello de Carral)

1. Astrónoma estadounidense, pioneira no estudo das taxas de rotación galácticas.
2. En 1948 se graduou en Astronomía na Universidade de Vassar
3. Estudou o movemento sistémico e o brillo nas galaxias espirais
4. A súa tese buscaba responder á pregunta de se as galaxias están ou non distribuídas uniformemente no Universo.
5. Desde 1978 ela e o seu equipo tras observar máis de 200 galaxias, estimaron que aproximadamente o 90% da materia do Universo é materia “escura”.

1. Segunda escritora do XIX que publica un libro en galego.
2. Comparte tertulias feministas con Fanny Garrido, Sofía Casanova e outras intelectuais coetáneas.
3. Gaña o certame literario de 1887, celebrado en Ourense en homenaxe a Feijoo, co texto “En defensa das mulleres”.
4. Escribiu o poemario Follatos.
5. En 1906, coa creación da RAG, foi nomeada académica.

Concurso "Coñeces esta muller?" , martes 9 de marzo

2010-03-09T21:38:00.006+01:00

1. Foi unha raíña guerreira.

2. Herdou o reino á morte do seu home.

3. Aparece mencionada en textos de Tácito e Dión Casio.

4. Enfrontouse aos romanos.

5. A revolta liderada por ela foi unha das máis sanguentas á que tivo que enfrontarse o imperio romano.

1.Nace o catro de decembro de 1919 en Xagoaza.

2.Fórmase como mestra

3.Abre unha tenda de víveres e artigos relacionados coa educación en Cambre.

4.Tamén abre unha escola e unha aula diaria para persoas analfabetas en idade adulta

5.Falece a causa dun cancro un 29 de marzo. O seu corpo repousa no Cemiterio Municipal de Cambre

1. Artista recoñecida internacionalmente tanto pola súa obra como polo significado da súa loita pola igualdade.

2. Durante os anos 70, concéntrase na denuncia dos malos tratos que sofren as mulleres.

3. Destacan obras súas como “Torture of Women”,

4. Promoveu movementos pola igualdade entre homes e mulleres como a “Coalición de Traballadores da Arte” e “Mulleres Artistas na Revolución”

5. Abriu no Soho de Nova York a primeira galería de Arte exclusivamente dedicada ás mulleres: Air.

1. Desenvolveu o seu labor científico na Universidade estadounidense de Harvard.

2. Trabaollou baixo a dirección de Harlow Shapley.

3. Foi a primeira persona (home ou muller) en facer unha tese doutoral na área de Astronomía

4. Descubriu a composición química de estrelas

5. Realizou estudos e análises detalladas dos espectros estelares.

1. Eran irmás.

2. Pertencían a unha familia acomodada da república Dominicana.

3. Pertencían a un grupo opositor ao réxime de Trujillo. Neste grupo eran coñecidas como “Las Mariposas”.

4. Foron encarceradas e asasinadas polo réxime ditatorial da época.

5. En honor a elas escolleuse o 25 de novembro como Día Internacional contra a violencia machista.

Día da Muller

2010-03-09T21:15:00.000+01:00

Mulleres, lectura e historia da arte

2010-03-09T21:14:00.001+01:00

Check out this SlideShare Presentation:

Lectura mujeres historia y arte

View more presentations from trafegandoronseis.

Concurso "Coñeces esta muller?" , luns 8 de marzo

2010-03-08T20:24:00.008+01:00

Aquí tedes as primeiras pistas para identificar as mulleres:

1. Do século XIX.

2. Americana.

3. Profesora.

4. Fíxose unha película sobre a súa vida chamada A Liberación .

5. Estivo na escola de PERKINS.

1. Ocupouse de axudar no negocio familiar na Peixería.

2. Participa na defensa

cidade xunto a militares como civís.

3. 3. 3. Ao longo da súa vida debeu facer fronte a numerosos conflitos e procesos xudiciais

4. É desterrada da cidade en 1596

5. Falece en 1643 en Cambre, onde tiña diversas propiedades.

1. Inicia a súa formación da man de Xoana Brocos, despois entra no taller de Tito Vázquez.
2. Participa na I Exposición Nacional Trienal de Belas Artes.
3. Concedéronlle a Medalla de Honor como homenaxe póstuma ao consunto da súa obra e dedicación artística.
4. O concello compostelán desícalle á súa pintura unha sala no museo da cidade.
5. Entre as súas obras están: O Zapateiro, A señora Andrea, A nena do remuíño, Moza do Rostro, Moziña de Pite, Moza de Fisterra,...

1. Profesora de lingua e literatura galega e escritora.
2. Figura relevante do movemento feminista e Galicia e na Península Ibérica.
3. Escribiu narrativa, poesía e teatro.
4. É autora do primeiro ensaio feminista de Galicia.
5. Fundou a revista Festada palabra silenciada.

1. Naceu en Hanover.

2. Nun principio colaborou nas investigacións astronómicas do seu irmán.

3. Descubriu un cometa en 1786.

4. Converteuse na primeira muller considerada oficialmente como científica.

5. Recibiu a medalla de ouro da Royal Astronomical Society.

Día de San Valentín VI

2010-02-14T12:05:00.000+01:00

Día de san Valentín V

2010-02-13T12:43:00.000+01:00

Día de San Valentín IV

2010-02-12T12:35:00.000+01:00

Día de San Valentín III

2010-02-11T12:27:00.000+01:00

Día de San Valentín II

2010-02-10T12:03:00.000+01:00

Día de San Valentín I

2010-02-06T11:58:00.004+01:00

Comezamos a publicar unha serie de vídeos complementares á exposición de poesía amorosa que temos no instituto. Xa sabes, se non sabes como dicirllo mándalle un poema ou cántalle unha canción.

Día da Paz

2010-02-01T22:22:00.002+01:00

O alumnado de 4º de ESO interpretou a canción "Imagine" no vestíbulo do Instituto no recreo do venres 29 de xaneiro como contribución á celebración Día Internacinal da Paz.

Máis de mil grous pola PAZ

2010-01-31T21:49:00.003+01:00

Durante o mes de xaneiro estivemos facendo grous de papel co obxectivo de xuntar mil e colgalos no vestíbulo do instituto para sumarnos ao desexo mundial da Paz. Baseámonos nunha lenda xaponesa segundo a cal se consegues facer mil grpus de origami conseguirás o que desexes e na historia de Sadako Sasaki que podedes ler nesta ligazón. Conseguimos facer moitas máis cás mil que precisabamos. Nestas fotos podedes ver o traballo e como quedaron.

Sobre o decreto do plurilingüismo

2010-01-20T13:58:00.001+01:00

http://www.macromedia.com/go/getflashplayer"/>

Aspectos Ilegais das bases do decreto do plurilingüismo

View more presentations from linguaog.

Decálogo para ser lingüisticamente sostibles

2010-01-17T13:40:00.002+01:00

Este décalogo recolle o traballo das compañeiras das Biblioteca do C.E.I.P. Frian - Teis e do IES Val de Tea, baseado nun traballo elaborado polos Servizos Lingüísticos das Universidades catalanas no ano 2008, proclamado pola ONU Ano Internacional das Linguas. Moitas grazas ás dúas pola súa xenerosidade compartindo este traballo con todos/as nós.
Decálogo para ser lingüísticamente sostibles

Anxo Fariña visita o noso centro

2010-01-16T13:00:00.004+01:00

O próximo luns o escritor e debuxante Anxo Fariña visitará o noso centro para falar dos seus libros e en concreto de Os Megatoxos co alumnado de 1º de ESO. Nas ligazóns anteriores poderedes acceder aos blog do autor e dos Megatoxos. O alumnado está moi ilusionado con esta visita, xa vos contaremos proximamente como foi, mentres tanto podedes ver esta actividade que o autor trealizou no museo das palabras Verbum de Vigo.

Un libro sempre, tamén no Nadal

2009-12-22T13:03:00.001+01:00

Por terceiro ano consecutivo as bibliotecas escolares e municipais de Cambre preséntanvos una proposta de lecturas, cine, banda deseñada, música,… para gozar e agasallar en Nadal. Un traballo colaborativo realizado con todo o noso cariño para que o pasedes ben compartindo histoiras e ilusións durante estas vacacións. Na guía participamos: As Bibliotecas Municipais de Cambre e as Bibliotecas dos centros de ensino público: Escola Infantil, CEIP Portofaro, CEIP O Graxal, CEIP Torrente Ballester, CEIP Emilio González López, CEIP Wenceslao Fernández Flórez, IES Afonso X O Sabio e IES David Buján. Esperamos que vos guste e lembrade: “Un libro sempre, tamén no Nadal”.

Bo Nadal e Aninovo

2009-12-22T09:57:00.000+01:00

Bo Nadal

2009-12-21T10:27:00.002+01:00

Xa remata 2009 e comezamos as vacacións. Para toda a Comunidade Educativa do IES David Buján a Biblioteca A3P quere desexar un Bo Nadal e Aninovo. Paz, Amor, Felicidade e Libros, moitos libros como os que vos recomendamos na nosa guía de Nadal.

Día Internacional dos Dereitos Humanos

2009-12-10T00:44:00.000+01:00

Hoxe é o Día Internacional dos Dereitos Humanos e queremos conmemoralo con estes dous carteis elaborados polas compañeiras do IES Río Cabe de Monforte e o CEIP de Pazos

Contra a violencia de xénero 6

2009-12-03T09:56:00.003+01:00

O alumnado de 2º de ESO, xunto coa súa profesora Loli Cid, prepararon esta presentación contra a violencia de xénero que proxectamos no vestíbulo do instituto durante os recreos do día 25 de novembro.

Contra a violencia de xénero 5

2009-11-28T00:12:00.000+01:00

Contra a violencia de xénero 4

2009-11-27T00:16:00.000+01:00

Contra a violencia de xénero 3

2009-11-25T00:08:00.000+01:00

Contra a violencia de xénero 2

2009-11-24T00:51:00.001+01:00

Grazas ao blog Trafegando ronseis coñecemos este proxecto "- é +" no que participou alumnado de ESO e Bacharelato de toda España.

Contra a violencia de xénero

2009-11-23T00:00:00.001+01:00

Iniciamos esta semana cunha serie de entradas contra a violencia de xénero cuxo día internacional é o próximo 25 de novembro. Todos os días son días de loita contra este tipo de agresións e frealas e cousa de todos e todas.Lembrade que o 016 é o teléfono de axuda ás vítimas.

Tema do mes de novembro

2009-11-10T10:51:00.003+01:00

Vén á biblioteca e verás a exposición que temos preparada. É de medo!!

Samaín

2009-11-04T17:55:00.004+01:00

Como en anos anteriores celebramos o Samaín. Esta vez foron os alumnos e alumnas de 1º e 2º de ESO os encargados de realizar os bonecos con cabazas e castañas. Como veredes quedaron moi feitiños e coloridos. Parabéns a todos os/as artistas.

Día Internacional das Bibliotecas Escolares

2009-10-26T08:48:00.004+01:00

O sábado celebrouse o Día Internacional das Bibliotecas Escolares, así que estivemos de celebración. Nós celebrámolo dúas veces, o sábado nas Xornadas de Santiago e durante esta semana na Biblioteca. Aquí vos deixamos a viñeta conmemorativa que apareceu o domingo no xornal A Voz de Galicia na sección "O Calidoscopio" de Xosé Tomás.

Tema do mes: A Astronomía

2009-10-19T19:05:00.000+02:00

Aquí tedes o vídeo oficial da celebración do Ano Internacional da Astronomía

Hipatia de Alexandría

2009-10-16T18:50:00.000+02:00

Relacionada co tema do mes está a figura de Hipatia de Alexandría, primeira muller astrónoma, quen é a protagonista da película Ágora que vén de ser estreada.

Outubro: Mes da Astronomía

2009-10-15T18:44:00.003+02:00

Ola a todos! Volvemos a poñer en marcha a biblioteca dedicando o mes de outubro a celebrar o Ano Internacional da Astronomía. Vinde visitarnos e veredes os marabillosos libros que temos dedicados a este tema.

Este verán refréscate coa lectura

2009-06-18T10:25:00.001+02:00

Como en outros períodos de lecer, o conxunto das bibliotecas dos centros educativos de Cambre, e baixo a coordinación da bibliotecas municipais, elaboramos unha serie de recomendacións de lectura para as vacacións: “Este verán refréscate coa lectura”

Son unhas recomendacións organizadas polos grandes tramos educativos, nas que ademais de libros temos outras suxestións “Para compartir” banda deseñada, música, cine. Os libros son para todos os gustos e todas as idades. A partir de 12 anos poderedes atopar literatura clásica, actual, de aventuras, de misterio, de amor, de actualidade, poesía.

Decídete polo galego

2009-06-16T11:56:00.001+02:00

Galicia

View more OpenOffice presentations from AntonioMartinez.

Manifesto pola lingua

2009-06-16T11:53:00.000+02:00

Linguas europeas en perigo de extinción

2009-06-14T20:53:00.004+02:00

"Cando morre o derradeiro falante dunha lingua, morre un soño da humanidade" Concha Rousia
Grazas a Mesturas atopamos este video onde se fala da situación das linguas no mundo actual, como veredes hai linguas que morreron e outras en perigo de extinción. A morte dunha lingua é unha perda irreparábel pois supón a perda dunha cultura e dunha forma de ver o mundo. Non o esquezamos: As linguas suman

As linguas suman

2009-06-14T20:22:00.004+02:00

Aquí podedes ler o tríptico que os Equipos de Normalización e Dinamización Lingüística veñen de publicar

E ti que les?

2009-06-01T19:18:00.000+02:00

Esta última semana tivemos a sorte de ter exposta no noso centro a exposición "E ti que les?", organizada polo IES de Sabón (Arteixo. A exposición constaba de 47 paneis onde 47 persoeiros do mundo da cultura, o deporte, as artes, a televisión, etc. recomendaban cadanseu libro. A exposición tivo un enorme éxito e agradecemos enormemente ao IES de Sabón a súa xenerosidade compartindo este traballo.

Letras galegas 2009 (4)

2009-05-19T10:14:00.000+02:00

Grazas a Belén Regueira por mostrarnos a realidade lingüística dos nosos nenos e nenas.

Letras galegas 2009 (3)

2009-05-18T09:33:00.001+02:00

DEITADO FRENTE AO MAR...

Lingua proletaria do meu pobo
eu faloa porque si, porque quero,
porque me gosta,
me peta e dame a gaña,
porque me sae de dentro, alá do fondo
dunha tristura aceda que me abrangue
ao ver tantos patufos desleigados,
pequenos mequetrefes sen raíces
que ao pór a garabata xa non saben
afirmarse no amor dos devanceiros,
falar a a fala nai,
a fala dos avós que temos mortos,
e ser, co rostro erguido,
mariñeiros, labregos da linguaxe,
remo e arado, proa e rella sempre.

Eu faloa porque si, porque me gosta
e quero estar cos meus, coa xente miña,
preto dos homes bos que sofren longo
unha historia contada noutra lingua.

Non falo prós soberbios,
non falo prós ruíns e poderosos,
non falo prós finchados,
non falo prós baleiros ,
non falo prós estupidos,
que falo prós que aguantan rexamente
mentiras e inxusticias de cotío;
prós que súan e choran
un pranto cotián de bolboretas,
de lume e vento sobre os ollos núos.
Eu non quero arredar as miñas verbas de
todo os que sofren neste mundo.
E ti vives no mundo, (terra miña,
berce da miña estirpe,)
Galicia, doce mágoa das Españas,
deitada rente ao mar, ise camiño...

Celso Emilio Ferreiro

Letras galegas 2009 (2)

2009-05-17T10:36:00.002+02:00

Hoxe dedícase o día das Letras Galegas ao escritor Ramón Piñeiro, os rapaces e rapazas do CEIP Rosaía de Castro de Xinzo de Limia resumen a súa vida e obra para todos vós.

"Para que unha comunidade humana teña categoría de pobo, para que teña unidade íntima e transcendente, ha de ter unha alma de seu. E un pobo ten alma de seu cando posúe idioma, cando fala nunha lingua propia, que tal é o que significa a palabra idioma. A lingua vén a ser a alma viva do pobo que a fala, vén a ser a súa comunidade esencial." Ramón Piñeiro

Letras galegas 2009

2009-05-16T16:32:00.001+02:00

O RAP DA LINGUA (MIGALLAS)
QUE FALEMOS EN GALEGO
É UNHA COUSA NATURAL,
COMA A CHUVIA NO INVERNO
E A CALOR NO VERÁN.
EN GALEGO! XA! SI! (BIS)
AINDA HAI PAIS QUE NON LLES FALAN
ÓS SEUS FILLOS EN GALEGO
PORQUE PENSAN QUE É UNHA LINGUA
PARA POBRES E "PALETOS".
AOS TEUS PAIS ANIMARÁS
A FALARCHE EN GALEGO,
QUE NON CHE VAN SAÍR GRANS
NIN TAMPOUCO CAE O PELO.
HAI RAPACES E RAPAZAS
QUE Ó IR Ó INSTITUTO
NON QUEREN FALAR GALEGO
PORQUE DIN QUE É MONTUNO.
MAIS SE ALGUÉN CHE FAI TILÍN
E O QUERES NAMORAR
FAILLE AS BEIRAS EN GALEGO,
DE SEGURO LIGARÁS!
HAI RAPACES E RAPAZAS
QUE QUEREN FALAR GALEGO
PERO AÍNDA NON O FALAN
PORQUE DIN QUE TEÑEN ERROS.
ANQUE O FALES TODO O DÍA
NON CHE PODE SENTAR MAL.
NIN DÁ MOCOS, NIN DÁ FEBRE.
FAI A PROBA E XA VERÁS!
FALEMOS A NOSA LINGUA
QUE É UNHA LINGUA MOI MODERNA,
NAS ESCOLAS E NAS CASAS
NAS CIDADES E ALDEAS.
En galego! Xa! Si!

Encontros con escritores: Francisco Fernández Naval

2009-05-13T09:11:00.004+02:00

O pasado luns veu ao noso instituto Francisco Fernández Naval, estívonos contando como creou o seu personaxe Suso Espada, protagonista do libro de lectura do terceiro trimestre do alumnado de 4º de ESO, Suso Espada:Istambul e o cabaliño de ouro. Comentounos outras aventuras do mesmo protagonista, un investigador privado na liña dos famosos protagonistas das novelas de Dashiell Hammett ou Raymond Chandler. Despois respondeu a todas as preguntas que os lectores e lectoras lle realizaron.

Entrega de premios do Megacertame 2009

2009-05-06T20:20:00.005+02:00

Onte entregamos os premios da décimo primeira edición do Megacertame, o concurso máis popular do instituto. Este ano establecéronse dous premios un para o mellor equipo de 1º Ciclo de ESO e outro para o mellor equipo do 2º Ciclo de ESO. Os gañadores foron: O equipo "No sabemos" formado por Juan Paradelo Pérez, Renán Rivera Cugler, Daniel Rouco Fernández e Joaquín Paradelo Pérez de 1º de ESO e o equipo "Ragnarok" formado por Ignacio Márquez Albes, Carlos Vázquez Sánchez, Estela Rouco Fernández e Xulia Vicente Jiménez de 4º de ESO. Parabéns a todos os participantes nesta convocatoria e en especial aos premiados.

Cadea poética por Mario Benedetti

2009-05-04T20:28:00.006+02:00

Sabemos pola prensa do delicado estado de saúde de Mario Benedetti e desde a nosa biblioteca queremos sumarnos á cadea poética por Mario Benedetti.
A actividade parte do blog da Fundación José Saramago e preténdese recitar poesía de Benedetti por todo o mundo, para así axudalo neste mal momento que está a pasar.
Se queres coñecer a súa obra preme nesta ligazón.
Aquí tedes a versión que do seu poema "Yo no te pido" fixo o cantautor cubano Silvio Rodríguez.

Lemos poesía

2009-05-04T20:20:00.003+02:00

El poema de Goytisolo -Palabras para Julia- es un canto a la lucha por la supervivencia, cuando todo lo que nos rodea son dificultades:

“(..) Te sentirá acorralada,
Te sentirás perdida o sola,
Tal vez querrás no haber nacido.
Yo sé muy bien que te dirán
Que la vida no tiene objeto,
Que es un asunto desgraciado.
Entonces siempre acuérdate
De lo que un día yo escribí
Pensando en ti como ahora pienso (…)”

De este poema se han hecho múltiples versiones musicales, cada canción te lo transmite de diferente forma, como la versión rock de Los suaves, la de El Muchachito estilo rumba y la de Raimundo con Veneno, Muchachito y Peret en flamenco.
La que más me gusta es la de El Muchachito, le da vida, ritmo, te transmite esperanza, animo, que cualquiera puede luchar y lograr cualquier obstáculo, siempre hay una solución.
Leticia Pereira Muiños 4º PDC

23 de abril Día Internacional do libro

2009-04-23T08:14:00.006+02:00

Hoxe celébrase o Día Internacional do libro e dos dereitos de autor. Hoxe tamén, como cada ano, entrégase o Premio Cervantes do 2008. O autor galardonado este ano é Juan Marsé, novelista español pertencente á chamada Xeración dos 50 xunto con Jaime Gil de Biedma, Juan Goytisolo, Terenci Moix, Eduardo Mendoza ou Manuel Vázquez Montalbán. Marsé é un escritor autodidacta que desenvolveu traballos moi variados ao longo da súa vida e que se deu a coñecer como escritor no ano 1960 coa novela Encerrados con un solo juguete. As súas novelas foron traducidas a moitos idiomas e moitas delas levadas ao cine. Para saber máis vén á biblioteca e recolle o minilibro conmemorativo. No vídeo que segue escoitarás o autor falar da súa obra.

Gañadores do Concurso "Coñeces esta muller?" 2009

2009-03-22T20:54:00.003+01:00

Os gañadores do concurso "Coñeces esta muller?" deste ano son:
1º premio para o equipo "Dous+Dous", composto por Esteban Castro Hermida,
Fernando Pérez Pango, Alejandro López Domínguez e Martín López Santos que acertaron todas as mullers e conseguiron os 25 puntos.
2º premio para o equipo "Os trasatlánticos", composto por Javier Belda Vázquez,
Constantino Acuña Espantoso e Diego Andrés Pérez Pango que conseguiron 24 puntos.
A entrega de premios terá lugar o martes día 24 no segundo recreo na biblioteca.
Parabéns a todos/as os/as participantes e en especial aos premiados.
Podedes consultar as solucións ás pistas propostas no panel da biblioteca.

Concurso Mulleres, venres 13 de marzo

2009-03-13T00:17:00.000+01:00

Muller 1
1.- A súa nai oponse duramente a súa inclinación cara á arte por consideralo unha desviación radical das regras que rexen a vida burguesa na sociedade do momento..
2.- Coñece e traballa xunto a Auguste Rodin.
3.- As súas crises nerviosas empezan a ser cada vez máis frecuentes chegando, nalgunhas delas, a destruír parte da súa obra polo que termina sendo recluída nun sanatorio psiquiátrico.
4.- Posúe unha gran habilidade técnica para a escultura dominando á perfección a talla do mármore.
5.- O abandono escultura feita en 1888 sería a resposta ao bico en bronce de 1886 de Auguste Rodin.

Muller 2

1.- Bioquímica e farmacóloga estadounidense.
2.- Filla de inmigrantes, pasou os seus primeiros anos de vida nun barrio humilde de Nova York.
3.- Na década dos 90 recibiu o Premio Lemelson- MIT ao logro de toda unha vida.
4.- Non conseguiu un posto de investigadora pola súa condición de muller e tivo que traballar como asistente de laboratorio e profesora de instituto.
5.- Entre os seus descubrimentos destacan a Azatioprina, Allopurinol, Pirimetamina, Timetoprim e Aciclovir.

Muller 3

1.- Acabou os seus estudios de Medicina en 1927 e xubilouse en 1965.
2.- Quixo entrar a estudiar en Harvard onde non admitían mulleres.
3.- O seu libro Congenital Malformations of the Hearth convertiuse na “biblia” dos médicos que elixían a especialidade de cirurxía pediátrica.
4.- Desenvolveu unha técnica cirúrxica para paliar a situación dos nenos e nenas que padecían cianose.
5.- En 1947 recibiu o premio do Women’s Nacional Press Club.

Muller 4

1.- Foi a primeira muller dedicada á astronomía en EEUU.
2.- Ensinou astronomía a mulleres no Vassar College.
3.-Descubriu un cometa que leva o seu nome.
4.-Pertenceu á Asociación americana para o Avance das Ciencias.
5.-Un cráter da lúa leva o seu nome.

Muller 5

1.- Historiadora e escritora naceu en Madrid no ano 1927 e morreu en Valencia.
2.- O seu último libro publicado en 1980 Llibre d’ amic e amada tivo escaso eco.
3.- En 1976 publica unha novela na que magnifica a Altea da súa infancia.
4.- O seu avó foi decano do Centro de Cultura de Valencia e membro da entidade valencianista Lo Rat Penat.
5.- Entre as súas obras de historia valenciana destacan Jaime el Conquistador en Alicante.

Concurso Mulleres, xoves 12 de marzo

2009-03-12T00:48:00.001+01:00

Muller 1
1.- Naceu en Johannesburgo e morreu en Nápoles no 2008.
2.- En 1963 testifica ante o ONU sobre “o apartheid” e por iso o goberno impídelle volver ao seu país
3.- En 1967 a súa popularidade músical destácase co seu single o “Pata-Pata
4.- Era un símbolo contra o racismo e o apartheid a que apodaban “mamá Africa”.
5.- Morreu nun concerto;coa calor dos aplausos.

Muller 2
1.- Naceu en Massachussetts.
2.- Publicou o seu primeiro poema aos 8 anos.
3.- Sufría un trastorno bipolar.
4.- O seu mellor libro de poemas titúlase Ariel.
5.- Suicidouse no ano 1963.

Muller 3
1.- É a primeira escultora española da que temos noticia.
2.- Formouse no obradoiro do seu pai.
3.- Foi escultora de cámara.
4.- A pesar de ter traballado moito, morreu na pobreza.
5.- As súas obras podémolas admirar principalmente en Andalucía.

Muller 4

1.- Naceu no século IV en Alexandría.
2.- Seu pai foi un famoso matemático.
3.- Foi astrónoma, matemática e filósofa.
4.- Mellorou e construíu instrumentos astronómicos como o astrolabio e o planisferio.
5.- Proximamente estrearase unha película de Alejandro Amenábar sobre ela.

Muller 5

1.- Escultora ruso-estadounidense.
2.- Estuda no Art Students League de Nova York desde 1928 a 1930.
3.- Obtivo o seu primeiro gran éxito cunha composición horizontal de formas xeométricas de madeira.
4.- Obras súas son as Sculptural Walls.
5.- Ao final da súa carreira experimentou con outros materiais como o metal, o plexiglás, o plástico e o esmalte.

Concurso Mulleres, mércores 11 de marzo

2009-03-11T00:05:00.000+01:00

Muller 1

1.- Adoptou o apelido do seu avó materno.
2.- Recibiu formación de pintores como Emilio Sala, Fernando Álvarez de Sotomayor, Manuel Benedito Anglada Camarasa e de Kees van Dongen.
3.- Participa na polémica Exposición de Pintores Íntegros organizada por Ramón Gómez da Serna.
4.- Desenvolveu unha pintura cubista que abandonará para inclinarase pola figuración. Caracterizada polas cores dramáticas, debuxos duros e violentos contrastes.
5.- Padece tuberculose, pero non deixa de pintar. Finalmente, morre en 1932.

Muller 2

1.- Naceu en 1917, filla de xudeus lituanos.
2.- Foi profesora universitaria de historia económica.
3.- Foi deputada no parlamento do seu país.
4.- Loitou polos dereitos humanos e sobre todo cotra o apartheid.
5.- Foi candidata dúas veces ao Premio Nobel da Paz.

Muller 3

1.- A súa nai era unha pintora de grande talento, a súa irmá xémea foi unha coñecida pintora e o irmán maior un famoso arquitecto.
2.- Na década dos sesenta dirixiu o Centro de Investigación Neurobiolóxica de Roma.
3.- No ano 1983 foi premiada co premio Louisa Gross Horwitz da Universidade de Columbia xunto a Stanley Cohen e Victor Hamburger.
4.- Foi investida Doctora “honoris causa” pola Universidade Complutense de Madrid.
5.- Déronlle o Premio Nobel de Mediciña e Fisioloxía xunto ao seu colaborador polos traballos sobre os factores de crecemento nervioso.

Muller 4

1.- Foi a máis sonada das soldadeiras da época medieval
2.- Afonso X o Sabio fai mofa dela nas súas cantigas de escarnio
3.- Sábese que frecuentou as cortes de Fernando III o Santo e de Afonso X o Sabio.
4.- Cede as súas propiedades aos monxes cistercienses de Sobrado e suponse que alí foi soterrada.
5.- Renace agora como se a literatura a quixese rehabilitar e elevar á categoría de heroína patria.

Muller 5

1.- En Arxentina coñecese como “a galega da zona norte” ou simplemente como “Nisa”.
2.- Varios membros da súa familia foron fusilados durante o réxime franquista
3.- Os seus fillos foron secuestrados pola ditadura militar arxentina.
4.- Xunto a outras mulleres percorreron penitenciarías, cuarteis militares, hospitais, morgues, sen chegar a ter resposta dos seus familiares desaparecidos.
5.- Faleceu un 29 de novembro deixando atrás un incalculable legado.

Concurso Mulleres, martes 10 de marzo

2009-03-10T11:46:00.008+01:00

Muller 1

1.- Naceu en Suiza en 1892 e morreu en Argentina en 1938.
2.- A súa tráxica morte inspirou unha canción de Ariel Rámirez e Félix Luna. Recentemente o grupo de música celta Bad Haggis grabou a canción Templo de agua, inspirada tamén na súa morte.
3.- Participou nas reunións do grupo Signos en Europa.
4.- Compartiu a vida artística e cultural do grupo Anaconda con Horacio Quiroga e Enrique Amorín.
5.- É autora da comedia en tres actos El amo del mundo.

Muller 2

1.- Foi unha famosa bailarina de ballet de inicios do século XX..
2.- Naceu en San Petesburgo.
3.- Paul Gerdt, Johanssen e Sodokova foron seus mestres.
4.- O seu número máis famoso foi a morte do Cisne.
5.- Reforzou os seus zapatos pointe agregando un anaco de coiro duro en adóitelas, converténdoo no zapato pointe moderno.

Muller 3

1.- Química e profesora universitaria inglesa.
2.- Doutorouse na Universidade de Cambridge en 1934 onde se especializou en cristalografía.
3.- Foi profesora en Oxford ata o seu retiro en 1977.
4.- Foi pioneira na técnica de determinación de estruturas de substancias de interese bioquímico mediante raios X.
5.- Recibiu o Premio Nobel de Química.

Muller 4

1.- Trasladouse desde Francia a Estados Unidos en 1933.
2.- Participou ao redor de 1962 na exposición "A arte da montaxe" no Museo de Arte Moderna de NY.
3.- En 1966 realiza a escultura de corpo de muller máis grande da historia da arte, cuxo título foi "Hon" (Ela en sueco).
4.- Obras súas tamen son "O xardín do tarot" e "Fontaine Strawinsky".
5.- Morreu por mor dunha enfermidade pulmonar causada polos gases tóxicos producidos durante a fabricación das súas figuras en poliéster.

Muller 5

1.- A fonte máis fidedigna sobre a súa vida é o "Memorial al Rei"
2.- Foi condenada polo Tribunal da Inquisición
3.- Foi defensora xunto a outras mulleres do ataque dos corsario a cidade de Vigo
4.- Existe unha cantiga moi famosa súa cantada por Luar na Lubre
5.- Converteuse no símbolo do sufrimento do pobo, moi especialmente das mulleres.

Concurso luns 9 de marzo

2009-03-09T20:39:00.007+01:00

Muller 3

1.- Naceu en A Coruña.
2.- Música, poeta, ensaísta,...
3.- Tocou o violín na Xove Orquestra de Galicia.
4.- Foi profesora de lingua galega no IES de Sada.
5.- O seu último libro de poesía publicado foi En concreto.

Muller 4

1.- Foi a única muller que tomou parte na Real Expedición Filantrópica da Vacina da Variola.
2.- O seu labor sanitario foi eloxiado polo Dr Balmis
3.- Suponse que morreu en México
4.- En México, o premio ao mérito en enfermaría leva o seu nome.
5.- Foi definida como unha muller valente, aventureira, atrevida, ousada e rexia.

Muller 5

1.- Escultora estadounidense de pais venezolanos.
2.- Nas primeiras obras, pequenas esculturas en terra cocida, aparece a influencia da arte precolombina.
3.- En 1955 empezou a tallar en madeira grandes figuras de tamaño natural.
4.- As súas obras posúen unha vaga evocación surrealista e un contido satírico.
5.- Foi elixida como membro da Academia Americana das Artes e as Letras.

Mulleres propostas o luns 9 de marzo

2009-03-09T20:29:00.004+01:00

Muller 1

1.- Unha das grandes deseñadoras do século XX.
2.- O abandono do seu pai, a morte da súa nai e a soidade espiritual marcaría para sempre a súa actitude cara á vida.
3.- Todos viron nela a unha das pioneiras do feminismo, disposta a romper fórmulas e esquemas.
4.- Contratárona para vestir a grandes musas do celuloide como Catherine Hepburn, Grace Kelly e Gloria Swanson.
5.- Iniciouse no campo dos perfumes facendo especialmente famoso un perfume que leva o seu nome.

Muller 2

1.- Naceu en Australia.
2.- Obtivo o carné de piloto comercial aos 19 anos.
3.- O seu primeiro avión chamábase Gipsy Moth.
4.- Traballou en labores humanitarias e sanitarias.
5.- Foi nomeada oficial do Imperio Británico.

Comeza o consurso Coñeces esta muller?

2009-03-08T20:23:00.000+01:00

Mañá comeza o consurso, este ano, como novidade, publicaremos tamén as pistas no blog da biblioteca. Participa e sorte na procura dos datos.

San Valentín 2009

2009-02-14T11:51:00.000+01:00

PresentacióN San Valentin

View more presentations from guesta52eb444. (tags: poetry)

A viaxe do Beagle 2

2009-02-13T19:29:00.000+01:00