Guía de recomendacións de Nadal 2015

Desde a biblioteca desexámosvos un Bo Nadal e unha felices vacacións!! Para que o pasedes mellor e teñades ideas de agasallos que pedir ao Apalpador, a Papá Noel ou os Reis Magos aquí vos vai a nosa Guía de Nadal.

Entrega de premios do Librómetro

Hoxe no segundo recreo entregamos os premios ao alumnado máis lector,quen recibiu bibliopuntos e a alumna máis lectora unha camiseta. Posteriormente,a aula máis lectora disfrutou duns petiscos na cafetería. Para béns a todo o alumnado que participou na actividade e, xa sabedes, a seguir lendo e partillandolecturas. Feliz 2016 cheo de boas lecturas!!! Entrega de premios Librómetro. Nadal 2015 on PhotoPeach

Axudantes da biblioteca

Entrega dos diplomas de voluntariado aos nosos axudantes da bilioteca durante o curso 2014-15. Parabéns e moitas grazas polo voso traballo!

Premios Librómetro 1º trimestre curso 2015-16

Este trimestre fostes moi bos lectores, parabéns a tod@s!!! Este próximo venres entregaremos na bilioteca os premios correspondentes a este primeiro trimestre do curso. Velaquí tedes os gañadores.

Guía de recomendacións para o verán

Unha vez rematado o cursos marchamos de vacacións pero aquí vos deixamos as nosas propostas de lecturas e outros para que o verán sexa aínda mellor. Non vos esquezades: "Un libro sempre, tamén no verán". Boas vacacións, vémonos en setembro.

Visita de Xurxo Souto

Invitado polo equipo de Normalización Lingüística, o pasado venres 19 de xuño visitou o noso instituto Xurxo Souto. Falou co alumnado de 4º de ESO da música galega e do Rock bravú. Ao remate agasallámolo coa camiseta da nosa bibliteca que non dubidou en estrear decontado.

Encontro con escritores: Andrea Maceiras

O pasado 12 de xuño visitou o noso centro Andrea Maceiras para falar co alumnado de 2º de ESO da súa novela Miña querida Sherezade, Premio Meiga Moira 2014.

Teatro matemático

Este curso o alumnado de 1º de bacharelato escribiu e representou unha obra de teatro baseada en teorías matemáticas, con ela participaron na IX Feira Matemática celebrada o pasado mes de maio en Palexco (A Coruña). Esta feira está organizada pola Asosciación Galega do Profesroado de Educación Matemática (AGAPEMA).

Neste vídeo podedes ver a súa actuación.

Maleta viaxeira de banda deseñada

Desde o 18 de abril ao 19 de maio temos no instituto a maleta viaxeira de banda deseñada da Asesoría de bibliotecas escolares. Aproveitamos para darlle aos seus fondos a maior difusión e organizamos unha exposición na biblioteca. Ademais o profesorado podía levar estes fondos ás súas aulas para darllo a coñecer ao alumnado. Maleta viaxeira de banda deseñada on PhotoPeach

Día do libro 2015: Así comezan os libros

Para celebrar o Día do Libro 2015 colocamos os corredores os comezos absolutos dalgunha obras da literatura universal co título tapado para adeviñarmos quen son os seus autores e de que obras se trata. Aquí tedes algunhas. Día do libro 2015 on PhotoPeach

Día do Libro 2015: A árbore das letras

Para conmemorar este curso o Día do Libro decoramos a nosa árbore con letras de todos os tipos e cores. Con elas podedes formar palabras, frases... Feliz Día do Libro 2015 A árbore da letras on PhotoPeach

Encontros con escritores: Carlos Negro

O pasado luns visitounos Carlos Negro para falar co alumnado de 3º de ESO dos seus poemarios Penúltimas tendencias e Makinaria. Como sempre facemos cos autores que nos vistan, agasallámolo coa camiseta da biblioteca.
Encontros con escritores: Carlos Negro on PhotoPeach

Encontros con creadoras: Xulia Vicente

O pasado 8 de abril visitounos a artista gráfica e creadora de banda deseñada Xulia Vicente, ex-alumna do noso instituto. No seu encontro co alumnado de 4º de ESO, explicou a súa traxectoria e os seus estudos na Universidade de Valencia. Tamén presentou o seu último fancine.

Encontros con escritores: Pedro Feijoo

O pasado mes de marzo visitounos Pedro Feijoo, quen estivo falando da súa novela A memoria da choiva co alumnado de 1º de bacharelato. Ao remate da súa charla agasallámolo coa camiseta da nosa biblioteca. Encontros con escritores: Pedro Feijoo on PhotoPeach

Día da Muller. Marzo 2015

Este ano decoramos a árbore cos doodles de Google dedicados a mulleres científicas e cunha exposición sobre os seus traballos. Aquí tedes as fotos. Día da Muller 2015 on PhotoPeach

Día da Paz 2015

Este ano celebramos o Día da Paz realizando unha cadea de bonecos de papel.A acividade levaba por título “Unha aperta con palabras pola Paz” e tiña como obxectivo reivindicar a paz, a liberdade de expresión e, ademais, empregar a reciclaxe de xornais vellos. Velaquí tedes algunhas fotos. Día da Paz 2015 on PhotoPeach