Saramago In Memoriam

Encontros con escritores: Marica Campo

Hoxe visitou o noso instituto a escritora Marica Campo co obxecto de comentar o seu libro Confusión e morte de María Balteira co alumnado de 1º de Bacharelato. A escritora falou de libros e de bibliotecas. De bibliotecas reais como a de Alexandría e de bibliotecas imaxinarias como a de Babel.A escritora considera que ler é un acto de liberdade e reivindica que a lectura nos fai máis libres.

Encontros con escritores

O martes 20 de novembro a escritora Marica Campo visitou o noso centro. No encontro co alumnado de Bacharelato falou da súa escrita e en concreto da obra Confusión e morte de María Balteira, que o alumnado tiña lido.

Estamos lendo...

O alumnado de 1º de bacharelato está a ler Confusión e morte de María Balteira, de Marica Campo. É este un libro de relatos cuxos personaxes principais son mulleres, algunha documentada historicamente, que se rebelan contra a súa condición e contra o que a sociedade espera delas. A autora inclúe tamén personaxes tomados das lendas populares como as meigas, as xacias ou os trasgos. Contaremos coa presenza da autora no centro o próximo martes 20 de novembro ás 12.30h.