Teatro matemático

Este curso o alumnado de 1º de bacharelato escribiu e representou unha obra de teatro baseada en teorías matemáticas, con ela participaron na IX Feira Matemática celebrada o pasado mes de maio en Palexco (A Coruña). Esta feira está organizada pola Asosciación Galega do Profesroado de Educación Matemática (AGAPEMA).

Neste vídeo podedes ver a súa actuación.

Día da Paz 2015

Este ano celebramos o Día da Paz realizando unha cadea de bonecos de papel.A acividade levaba por título “Unha aperta con palabras pola Paz” e tiña como obxectivo reivindicar a paz, a liberdade de expresión e, ademais, empregar a reciclaxe de xornais vellos. Velaquí tedes algunhas fotos. Día da Paz 2015 on PhotoPeach

O teatro científico.

A posibilidade de enlazar un experimento científico cunha creación literaria rematou nesta actividade. Un grupo de alumnos de 4º ESO empregaron un experimento sobre a presión para recrear unha situación dramática e poñela en escena.

 

Paco Roca e David Rubín visitan a nosa biblioteca

O pasado 13 de febreiro estiveron na nosa biblioteca Paco Roca e David Rubín presentando as súas últimas obras, Los surcos del azar e Beowulf, respectivamente. Falaron da súa voacaicón e do seu traballo como creadores. Ao final deixáronos unhas preciosas dedicatorias dos seus libros.

Paco Roca e David Rubín visitan a nosa biblioteca on PhotoPeach

Novembro de medo!!

Como todos os anos celebramos o mes de novembro e o Samaín con lecturas de textos clásicos de medo na biblioteca. Este ano a actividade foi realizada polo alumnado de 1º e 2º de ESO. Aquí podedes ver imaxes da mesma.

Lecturas de medo na biblioteca on PhotoPeach

Música pola Paz na biblioteca

O alumnado de 3º de ESO baixo a supervisión da súa profesora de Música percorreu onte o instituto durante os recreos interpretando diversas pezas musicais para conmemorar o Día da Paz. Aquí podedes ver un momento da súa visita á nosa biblioteca.

Música pola Paz na Biblioteca from biblio a3p on Vimeo.

Programa ARCE

O alumnado de 3º de ESO que participa no programa ARCE partiu onte do aeroporto de Lavacolla con destino Sevilla para tomar parte no encontro que os centros colaboradores deste programa teñen programado esta semana en Alxeciras. Alí realizarán unha serie de actividades ao redor dos libros e a lectura no marco do proxecto "Navegando entre libros" coordinado desde esta biblioteca. Os centros participantes xunto connosco son o IES Orriols de Valencia e o IES Torre Almirante de Alxeciras que é o anfitrión deste encontro.

As rulas de Bakunin

Onte visitounos o escritor Antón Riveiro Coello para falar co alumnado de 2º de bacharelato da súa novela As rulas de Bakunin. O escritor comezou contándonos anécdotas da súa vida para logo explicar a xénese dalgúns dos personaxes da obra e mostrarnos os lugares onde se desenvolve a acción.

A praia dos afogados

O pasado 12 de abril o alumnado de 1º de bacharelato realizou o roteiro literario da novela de Domingo Villar A praia dos afogados. Viaxamos a Nigrán e alí primeiro tivemos un encontro co escritor, a quen agasallamos coa camiseta da biblioteca, e logo visitamos algúns dos lugares onde transcorre a novela: Monteferro, a praia da Madorra, tamén chamada dos afogados, e o templo do mar. Aquí tedes algunhas das fotos daquela xornada.

Anxo Fariña visita o noso centro

O próximo luns o escritor e debuxante Anxo Fariña visitará o noso centro para falar dos seus libros e en concreto de Os Megatoxos co alumnado de 1º de ESO. Nas ligazóns anteriores poderedes acceder aos blog do autor e dos Megatoxos. O alumnado está moi ilusionado con esta visita, xa vos contaremos proximamente como foi, mentres tanto podedes ver esta actividade que o autor trealizou no museo das palabras Verbum de Vigo.

E ti que les?

Esta última semana tivemos a sorte de ter exposta no noso centro a exposición "E ti que les?", organizada polo IES de Sabón (Arteixo. A exposición constaba de 47 paneis onde 47 persoeiros do mundo da cultura, o deporte, as artes, a televisión, etc. recomendaban cadanseu libro. A exposición tivo un enorme éxito e agradecemos enormemente ao IES de Sabón a súa xenerosidade compartindo este traballo.

Build your own custom video playlist at embedr.com

Encontros con escritores: Francisco Fernández Naval

O pasado luns veu ao noso instituto Francisco Fernández Naval, estívonos contando como creou o seu personaxe Suso Espada, protagonista do libro de lectura do terceiro trimestre do alumnado de 4º de ESO, Suso Espada:Istambul e o cabaliño de ouro. Comentounos outras aventuras do mesmo protagonista, un investigador privado na liña dos famosos protagonistas das novelas de Dashiell Hammett ou Raymond Chandler. Despois respondeu a todas as preguntas que os lectores e lectoras lle realizaron.

Encontros con escritores: Francisco Fernández Naval

O pasado luns o escritor Francisco Fernández Naval visitou a nosa biblioteca e falou co alumnado de 4º de ESO sobre os motivos que o levaron a escribir historias. Contounos que súa na lles contaba contos a el a súa irmá mentres comían e que iso xunto coa súa afección ao cine son as causas de que comezara a escribir. Fanounos tamén dun dos libros que máis o marcaran de neno: Os fillos do capitán Grant de Xulio Verne. Díxonos que tanto lle gustara este libro que xa de maior fixera unha viaxe pola Patagonia para seguir os pasos dos protagnistas do libro na procura do capitán Grant.

Nadal no David Buján

Encontros con escritores: Marica Campo

Hoxe visitou o noso instituto a escritora Marica Campo co obxecto de comentar o seu libro Confusión e morte de María Balteira co alumnado de 1º de Bacharelato. A escritora falou de libros e de bibliotecas. De bibliotecas reais como a de Alexandría e de bibliotecas imaxinarias como a de Babel.A escritora considera que ler é un acto de liberdade e reivindica que a lectura nos fai máis libres.

25 de novembro, tod@s contra a violencia de xénero

In Memoriam
El morreu hai trinta anos. A ela enterrárona estes días: morreu de vella.
El era un home sociable e ben relacionado. Ela non poñía o pé fóra de cen metros arredor da casa. El baixaba á vila tódolos días. Ela non ía nin ós enterros. El era violento e agresivo e mallaba nela día si e día tamén. Ela era traballadora, simpática e doce. El levantaba a man e o que lle cadrara. Ela sempre levaba caramelos no peto cos que convidaba ós nenos que lle pasaban pola porta.
El viviu protexido por un muro de silencio. Ela viviu presa tras do mesmo muro.
A morte del só a liberou das tundas.O muro caeu o día do enterro. Dela.
Novembro de 2008

Texto do CEIP Milladoiro de Malpica, video elaborado polo blog Trafegando ronseis.

25 de novembro, tod@s contra a violencia doméstica

O outono

A nosa árbore perdera as follas como todos os outonos, pero nós axudámos a que as recuperara escribindo poemas sobre o outono e vestindo a árbore con eles, aquí tedes o resultado.

Seguindo os pasos de Sir John Moore

Estamos lendo...

En 2º de ESO estiveron lendo The Corunna boats, novela escrita por Xelís de Toro que conta a retirada dos ingleses cara o porto de A Coruña no inverno de 1808-1809. A novela conta a batalla de Elviña e a morte do xeneral sir John Moore. Unha vez lida a novela fixemos unha excursión á cidade de A Coruña para ver os lugares onde se desenvolvía a obra. Aproveitamos para recitar diante da tumba de Moore no Xardín de San Carlos os poemas que Charles Wolfe e Rosalía escribiron en memoria do xeneral.