Concurso Muller e ciencia

Aínda que cun pouco de restraso, aquí tedes o resume da celebración do Día da Muller e do noso concurso sobre mulleres innovadoras na ciencia. Ao final da presentación podedes ver ás gañadoras do concurso: Estefanía Fernández e Noelia González de 1º de bacharelato.
Muller e ciencia on PhotoPeach

Concurso: Pistas venres 15 de marzo

   1.  Desde moi nova destacou polo seu virtuosismo como pianista e compositora. 

   2.  Morreu aos 41 anos dun derrame cerebral. 

   3.  Moitas das súas composicións foron publicadas baixo o nome do seu famoso irmán. 

  4.  Nos salóns musicais que organizaba presentou a obra de Mozart, Bach ou Beethoven ao público de Berlín. 

  5.  En 1829 casou cun pintor alemán, que a animou a continuar coa súa carreira musical.

1. Viviu no século XII.

2. Foi abadesa e defendeu sempre a independencia do seu mosteiro.

3. Foi escritora, pintora, música, médica, farmacéutica e teóloga.

4. Defendía a pobreza, a austeridade, a oración e a caridade.

5. En 2012 foi nomeada doutora da Igrexia.

1.     Naceu na Coruña no século XIX e morreu no século XX.

2.     Pertenceu ao Instituto de Estudios Galegos e a Real Academia Galega.

3.     Estudou na Escola Normal da Coruña, obtendo o número 1 da súa promoción.

4.     Fundou institucións benéficas como “ O neno descalzo” e “O comedor e roupeiro da Guarda”.

5.     Foi represaliada polo franquismo e apartada da docencia no ano 1937. 

1.     Nace en Moscú a mediados do século XIX.

2.     Foi a primeira muller profesora universitaria de matemáticas.

3.     O matemático alemán Karl Weierstrass foi o seu mestre e amigo.

4.     Foi premiada pola Academia de Ciencias de París polo seu traballo sobre o problema de rotación dun corpo sólido ao redor dun punto fixo baixo a influencia da forza da gravidade.

5.     Escribiu tamén novelas e obras de teatro.

1.       Está considerada “o primeiro escritor profesional” da historia.

2.       Viviu en Venecia dacabalo entre os séculos XIV e XV.

3.       Cos seus escritos tentou loitar contra a misoxinia da época.

4.       O seu libro máis importante foi publicado en galego no 2004 pola editorial Sotelo Blanco.

5.       Toda a súa produción literaria defende unha sociedade nova e un novo espazo para as mulleres.

Concurso: Pistas xoves día 14 de marzo

    1.   A súa primeira actuación en público como cantante foi nunha voda en 1600.

    2. Non hai acordo sobre a data da súa morte. Unhas fontes sitúana  en 1630 aínda que outras en 1640.

   3. Obtivo un dos seus maiores éxitos en 1625,cunha ópera composta para a visita do príncipe Ladislaus Sigismondo.

    4 . Escribiu música para moitos intermedios na Corte dos Médicis.

  5. A pesares de compoñer obras seculares, relixiosas, vocais e instrumentais. A única colección que perdura é unha publicación de 1618.

1.  Naceu nun pobo de Cabo Verde.

2.  José da Silva persuadiuna para ir a Paris.

3.  A súas cancións falan en xeral da longa e amarga historia de illamento do país e do comercio de escravos, así como da emigración.

4.  O presidente de Francia Jacques Chirac outorgoulle a medalla da Lexión de Honra.

5.  É coñecida como “a diva dos pés descalzos”.

   1.  Naceu en Roma en 1905. 

   2.  Foi pioneira do tenis feminino en España. 

  3.  Participou entre outros nos torneos de Winbledon e Rolan Garros. 

  4.  Utilizou por vez primeira unha saia-pantalón no torneo de Wimbledon. 

   5.  Publicou en Londres o libro Modern lawn tennis

1.  A súa actitude deu comezo á loita 

polos dereitos civís en Estados Unidos. 

2.  Era costureira. 

3.  No 1999 foille concedida a medalla de ouro 

do Congreso Norteamericano. 

4.  Morreu en 2005 aos 92 anos. 

5.  Á súa morte recibiu honores reservados 

aos Presidentes dos Estados Unidos.

    1.  Xeóloga, xestora científica e política española. 

    2.  Foi a terceira muller catedrática de España. 

 3.  Especializouse en sedimentología e estratigrafía do Triásico e do Pérmico. 

  4.  Foi decana da Facultade de Ciencias Geológicas. 

   5.  Recibiu a distinción de Oficial da Lexión de Honor de Francia.

Concurso: Pistas mércores 13 de marzo

      1.    Alumna de Nadia Boulanger.

      2. García Lorca dedicoulle un poema.

     3. Estreou con M. de Falla a versión a catro mans de Noites nos xardíns de España (Paris, 1921)

    4. Abriu unha galería de arte en México onde Remedios Varo, en 1956, realizou a súa primeira exposición individual.

     5. Obras súas son: Española, Preludios,Tango, e Petite suite.

1.  Forma parte dun pequeno grupo de trobairitz (trobadoras) que compoñían música secular nos séculos XII e XIII.

 2.  Dedicou algunhas das súas obras ao trobador Raimbaut de Orange.

3.  Os seus poemas a miúdo eran acompañados pola música dunha frauta. 

4.  Súa é a única peza trobadoresca de autoría feminina.

 5.  O seu nome era Beatriz.

    1.  Foi alumna de Gabriel Fauré

    2.  Abandonou a súa carreira de compositora ao morrer a súa irmá pequena, Lili.

    3.  Foi clave na recuperación da obra de Monteverdi nos anos 30 de século XXX.

   4.  Dirixiu as principais orquestas sinfónicas americanas.

   5.  Entre os seus alumnos estiveron Daniel Baremboim, Aaron Copland ou Astor Piazzola.

   1.      A súa nai era unha pintora de grande talento, a súa irmá xemea foi unha coñecida pintora e o irmán maior un famoso arquitecto.

 2.     Na década dos sesenta dirixiu o Centro de Investigación Neurobiolóxica de Roma.

  3.     No ano 1983 foi premiada co premio Louisa Gross Horwitz da Universidade de Columbia xunto a Stanley Cohen e Victor Hamburger.

 4.     Foi investida Doctora “honoris causa” pola Universidade Complutense de Madrid.

  5.     Déronlle o Premio Nobel  de Medicina e Fisioloxía xunto ao seu colaborador polos traballos sobre os factores de crecemento nervioso.

1.     A primeira maratón na que participou foi na Maratón de Boston de 1967.

2.     Dedicase a loitar contra a desigualdade entre mulleres e homes.

3.     No plano deportivo correu 35 maratones.

4.     Gañou o maratón de New York.

5.     Está entre as dez primeiras mulleres coa mellor marca do mundo.

Concurso: Pistas martes 12 de marzo

  

    1.  Estudou física na Universidade de Viena.

    2.  Descubriu un novo elemento químico.

    3.  É unha das figuras máis importantes da física moderna e foille injustamente negado o premio Nobel de Química de 1944.

     4.  Loitou toda a súa vida polo uso pacífico da enerxía atómica.

     5.  O elemento químico de número atómico 109 leva o nome no seu honor.

   1.  A súa carreira literaria comeza baixo diversos pseudónimos.

   2.  En Kenia explotou unha plantación de café.

   3.  En 1931, a morte do seu amante e a baixa nos mercados internacionais do prezo do café obrigárona a volver a Europa.

   4.  Unha das súas obras foi levada ao cine por Sydney Pollack.

   5.  Un asteroide leva o seu nome no seu honor.

1.  O 8 de xuño de 1901 casou na Coruña co nome de Mario Sánchez. 

2.   A súa unión matrimonial tivo lugar 100 anos antes da aprobación do matrimonio homosexual en España.

3.   Estudou na Escola Normal de Mestras de A Coruña, onde coñeceu a súa parella.

 4.   Foi encarcerada en Oporto e despois liberada.

 5. A súa vida está narrada nun libro de Narciso de Gabriel. 

     1. Naceu en Zaragoza o 29 de decembro de 1975.

     2. Aos 19 anos padeceu unha neuropatía que a fixo perder a mobilidade.

     3. O seu palmarés ten 22 medallas.

     4. O 31 de xaneiro do 2013 viaxou a sede do Comité Paralímpico Internacional en Bonn para presentar o dossier da candidatura de Madrid para os Xogos Olímpicos e Paralímpicos do ano 2020.

     5. Foi condecorada coa Real Orde do Mérito Deportivo.

1.   Cantante e compositora italiana do Barroco.

2.   Foi invitada a cantar e participar nos grupos de discusión na Academia dos unísonos.

3.   Un dos seus mecenas foi Fernando II de Austria.

4.   A gran maioría da súa obra foi escrita para ser interpretada por ela mesma.

5.   A súa música está profundamente arraigada na técnica denominada segunda práctica.

Concurso: Pistas luns 11 de marzo

1. Dedicouse ao estudo das matemáticas e ao coñecemento dos avances científicos. 
2. A Royal Academy inglesa deulle un premio como socia de honra.
3. É coñecida como "A raíña das ciencias do século XIX". 
4. Foi nomeada xunto con Carolina Herschel membro honorario da Real Sociedade de Astronomía inglesa. 
5. Aos 89 anos escribe o seu autobiografía e segue estudando matemáticas aínda con 92 anos.





1.  Nace no seo dunha familia da baixa nobreza genovesa en 1532.
2.   O seu pai enviouna a estudar ao taller do pintor Bernardino Campi.
3.  En 1558 desprazouse a Milán, onde pintou ao Duque de Alba. 
4.  Os seus cadros poden ser vistos nas galerías en Bérgamo, Budapest, Madrid (Museo do Prado), Milán (Pinacoteca de Brera), Nápoles, Siena e Florencia (Galería Uffizi).
5.  O pintor Van Eyck a recoñece como a súa mestra.




1.  Descubriu a montaña da man do seu pai
2.  Alcanzou o cume do Everest.
3.  E tamén os picos máis altos da extinta Unión Soviética.
4.  Intentou cruzar Groenlandia a pé.
5.  Tras 59 días en solitario a través da Antártida  alcanzou o Polo Sur.

1. Naceu en Chihuahua en 1958. 

   2. Iniciou o seu activismo social en 2008 con motivo do asasinato da súa   filla. 

   3. Cos seus propios medios localizou o asasino. 

  4. Conseguiu levar as protestas pola impunidade contra o asasino da filla a nivel naciona e internacional. 

   5. O seu último lugar de protestas foi a Praza Hidalgo de Chihuahua.

   

     1. Naceu en Kent o 11 de febreiro de 1934.

     2. Estudou ilustración na Universidade de Goldsmith.

     3. En 1955 asociada co seu marido e o seu contábel abriu unha boutique de vestidos en Kings Road, Londres: o "Bazaar".

    4.  En 1966 foi nomeada membro da Orde do Imperio Británico polos servizos emprestados no mundo da moda.

      5. En 1988 deseñou o interior do novo Mini 1000 Designer.                    

Premios do concurso "Coñeces esta muller?"

Unha vez realizado o desempate entre os equipos que acadaran a mesma puntuación durante os días do concurso,velaquí tedes os equipos gañadores da edición do 2012.Parabéns a todos os participantes e en especial ás gañadoras. O primeiro premio foi para o equipo formado por Verónica Martínez, Ana Santiso e Sara Criado.

En segundo lugar os equipos formados por Claudia Herrón e Noelia Núñez.

E Tania Vázquez, Andrea Serra e Adriana Gómez.

Coñeces esta muller? Pistas martes 6 de marzo

1.    Aos cinco anos escoitou na radio o instrumento que a faría triunfar. 

2.    Estudou con Rostropovich e Casals.

3.    Era famosa polas minisaias coas que actuaba.

4.    Morreu de esclerose múltiple.

5.    O seu Stradivarius herdouno Yo Yo Ma.

1.-  Estudou voz nun Conservatorio de Música de Nova Inglaterra ( EE.UU.).

2.- Tivo 4 fillos activistas e defensores dos dereitos da poboación negra.

3.-  Os seus restos mortais están en Atlanta xunto aos do seu marido.

4.- O seu marido foi asasinado en Tennessee en 1968.

5.-  Foi unha enérxica loitadora polos dereitos civís dos negros e contra a pena de morte.

1.     Naceu en Derbyshire, no centro de Inglaterra.

2.     Pasou a súa infancia alonxada do mar na campiña inglesa. 

3.    Vive en Cowes, na illa de Wight.

4.     No 2002 publicouse a súa autobiografía Taking on the world.

    5.  Coas 5000 libras que lle deixou a súa avoa no testamento pagou a inscrición na Route du Rhum, que en 1998 abriríalle as portas para desenvolver a súa carreira profesional.

1. É asturiana.

2. Foi discípula de Severo Ochoa.

3. Traballou nos EEUU.

4. Pertence ás máis prestixiosas sociedades e institutos científicos.

5. Na actualidade investiga no Centro de Bioloxía Molecular da Universidade Autónoma de Madrid.

1. - Era afeccionada ás novelas de cabalerías.

2. - Cando era nena quixo ser mártir.

3. - Era teimuda e simpática.

4. - Foi procesada pola Inquisición.

5. - Hai poucos anos estreouse unha película    sobre a súa vida.

Coñeces esta muller? Pistas luns 5 de marzo

1.     É a líder dun partido de centro-esquerda.

2.  O seu pai tamén era político.

3.  Foi Primeira Ministra do seu país en dúas ocasións.

4.  Viviu durante un tempo no exilio.

5.  Foi asesinada recentemente.

1.      Naceu no século XIX en Kansas.

2.      Durante a primeira guerra mundial faise enfermeira voluntaria e intenta estudar Medicina.

3.      Son súas estas palabras: “O desexo íntimo de sobrevoar o Atlántico soa era algo novo para min. Antes xa afrontara outros Atlánticos. Todo o mundo ten o seu propio Atlántico que conquistar. Calquera cousa que queiramos facer de verdade, contra a opinión dos veciños e o chamado “sentido común” é un Atlántico”

4.      O seu primeiro avión chamábase “ o canario”.

5.      En Estados Unidos era coñecida como “Lady Lindy”.

1.    Toma posesión do inmenso ducado de Aquitania trala morte de seu pai nunha peregrinación a Santiago de Compostela.

2.    Participa activamente, na compaña do seu marido, na 2ª Cruzada a Terra Santa.

3.    Contrae matrimonio con dous importantes reis daquela época: Luis VII de Francia e Enrique II de Inglaterra.

4.    Foi mecenas de numerosos trovadores adquirindo na súa corte de Poitiers unha grande auxe a lírica cabaleresca.

5.    Tivo unha vida política moi activa promovendo a rebelión dos propios fillos contra o rei, seu pai, e permanecendo por elo encarcelada durante varios anos.

1.    Traballou como costureira.

2.    Viviu a Guerra Civil no País Vasco.

3.    Viviu no Courel.

4.    Era escritora e só publicou un libro en vida.

5.    No ano 2007 escoitamos falar moito dela.

1.-  Naceu en Baltar na provincia de Ourense en 1898.

2.- Muller de inquietudes culturais tivo relación con intelectuais e galeguistas como Paz Andrade, Álvaro de las Casas ou Fernández Mato.

3.- Foi membro fundador da Academia Médico- Quirúrxica de Vigo e da Alianza Francesa desa cidade.

4.-  Fixo a súa tese de doutoramento en Madrid sobre as variacións da colesterina en relación coa anestesia baixo a dirección do doutor Recaséns.

5.-  Especializouse en Xinecoloxía, aínda que a ela teríalle gustado ficar na clínica do doctor Gil Casares onde se trataban enfermidades do pneumotórax.